周一晚網上流傳一段短片，顯示一對男女在沙田石門「吉豚屋」用膳，其中女食客手上戴有疑似家居隔離手帶。被發現後兩人奔跑回附近一間酒店。警方表示，涉違反隔離令的13歲姓梁少女，已被送往火炭駿洋邨進行隔離。但少女光顧的「吉豚屋」，事發後已出通告指需要暫停營業，直至另行通知，真係俾佢累死。

少女涉違隔離令石門食吉豚屋

新型冠狀病毒COVID-19（武漢肺炎）肆虐全球，本港亦有多位外地返港人士須戴上手帶接受家居隔離檢疫，惟連日來不時傳出有人「逃隔離監」。

戴上檢疫手帶的少女與一名中年漢在沙田京瑞廣場吉豚屋店內用餐，被食客發現拍片，一直逃走的短片已被網民放上網，新聞亦有報道，在此亦不再重複。

不過接待過該少女的石門吉豚屋，今次真係慘。

石門吉豚屋暫停營業直至另行通知

因為一個人的自私行為，累及餐廳。

涉事的餐廳吉豚屋貼出告示，將停業一日進行全面消毒，並要求員工檢查顧客是否隔離人士。

「吉豚屋」於Facebook發表聲明，指已將該對男女用過的餐具及餐牌丟棄，今日起會暫停營業，直至另行通知。

大家如果需要接受家居隔離檢疫，隔離人士真係切勿因一己私慾，害人做唔到生意，罔顧他人安全。

更多相關新聞：

做生意須謹慎吉豚屋都唔係第一次瀨嘢

今次亦不是吉豚屋在新冠肺炎期間出事，之前已有油麻地吉豚屋餐廳內有男子用膳時將口罩放在竹筷桶上，其行為引來大眾嘩然，並擔心造成「播毒」危機。對吉豚屋來說，可以話係禍不單行。